අතේ පත්තු වී කෙලැවුනු සිහිනය

"හෙලෝ අයියේ මං ගාව ලියපු නිසදැස් වගයක් තියෙනවා ඔයාට පුළුවන්ද ඒවා අරං සිංදුවක් හදලා කියන්න"

"එහෙම එක පාරටම උත්තරයක් දෙන්න බෑ මල්ලියෝ ඔයා මට ලියපුවා එවන්නකෝ මම ඒවා බලලා කියන්නම්කෝ"

"අනේ තෑන්ක්ස් අයියේ එහෙනම් මම තියනවා bye "

හම්මේ ඒ කෝල් එක ගත්තට පස්සේ මට තිබුණු සතුට මම ගෙදර ඇවිත් අම්මටත් කිව්වා තාත්තටත් කිව්වා.බොලේ තාත්තා ඇහුවා දැන් ඉතිං ඇඩ්‍රස් එක තියෙනවද??

හරි හුටා කලබලේට ඒවා ඉල්ලගත්තේ නෑනේ මම දඩි බිඩි ගාලා ගත්තා ආයේ කෝල් එකක්.අයියෝ මිනිහා ෆෝන් එක ඕෆ් කරලා අයියෝ මම නැග්ගොත් කරපිංචා ගහෙත් ඩබලක්.කාලා වරෙන්කෝ දැන් මම සෑහෙන්න අප්සොට් එකේ ඇදට වෙලා කල්පනා කරා සෑඩ් මූඩ් එක ඩබල් වුනේ මම යාළු වෙලා ඉන්න කෙල්ලගේ අම්මා ගේ සන්තකේට තිබුණු එකම ෆෝන් එකත් අරන් දවස් තුනක චාරිකාවක් යනවා කියලා මැසේජ් එකක් මගේ ෆෝන් එකට ආවාම.මට අඩන්න තරම් දුකයි අප්පා මොකකටවත් නෙමෙයි මාස ගානක් තිස්සේ අම්මා එහෙ මෙහෙ වෙනකම් ඉදලා ඇට්ටි හැලෙන්න මල් කඩන්න හිතං හිටියට ඒක බොද වුනාටයි.ගී පද රචකයෙක් වීමේ හීනේ අළු වුනාටයි.

මීට අවුරුද්දකට කලින් අපි කෝල් කරන්නේ සතියකට සැරයයි ඒකත් විනාඩි පහයි.ඒකත් අපි කාගෙත් දුකට සැපට උදව් කරන ගෙම්බිට(නිල්මිණි) මාර්ගෙන් අරගන්නේ.අපි හම්බුවෙන්නේ මාස තුනකට සැරයක් ඒත් විනාඩි ගානකට.ඉතිං දැං ආයේ සති දෙකක් යනකන් මට එයාගේ කටහඩ සැපදුක් අහන්න නෑ මොකද මම සතියක් ගානේ කථා කරන දවස උදා වෙන්නේ තව දවස් දෙකකින්.....

මට දැනෙන්න ගත්තා මගේ පපුව හිරවෙනවා වගේ කදුළු කැටත් මෝදු වෙන්න වගේ මම කවදාවත් එහෙම බොලද වෙලා නෑ.ඒත් එක්කම මට හිතුනා මේ දුක ලියන්න ඉතිං මං සිතුවිල්ලක් මැව්වා මගේ කෙල්ල මාව දාලා ගියා කියලා.දැං හිතට සෑහෙන්න වේදනායි.ඒ ගැම්මෙන් මම ලිව්වා නිසදැසක් මම මවපු හිතුවිල්ලේ සැර නිසා වැඩිය ලියාගන්නත් බැරිවුනා.ඕං යටින් දැම්මා හොදයිද බලන්නකෝ කියවලා...

ඔබෙ නිල්නෙතු බැල්ම කිංකිණි නාද.....

යාවි පියඹා

හදවත රැදි සිසිළ මා ළග නොසිට.....

යාවි පියඹා

ඔබ දුර ඇදිලා

මා සිත බිදිලා

ඔබ මට කොදුරා

පැවසූ රහස් රහසෙ මැකිලා....

සිහිනෙක කිමිද ඔබ ගැන සිතපු.....

කාලේ ගෙවිලා

නොසිතුව විලස මගෙ නෙතු ගාව.....

කදූළු පිරිලා

ඔබ යලි හැරිලා

මා දෙස බලලා

එන හැටි පියඹා

මවා සුසුම් හෙළුවා.......සිහනෙන්

ආදරය  කියාදී

ජීවිතය හදාදී

දුක මට ලියා දී

ඔබ යයි මගෙන් මිදී

ඕක ලිව්වට මට කික් වුනේ නෑ ඒත් වැඩේ කියන්නේ මේක ලියලා ටික වෙලාවක් යද්දි අර අයියා  මට කෝල් එකක් ගන්නවා බොලේ...

"ආ මල්ලි හදිසියට ඔයාට ඇඩ්‍රස් එක දෙන්න බැරිවුනා මෙන්න මේක ලියාගන්න සසරිරිගාමා@සරිගමපධපා.com bye මල්ලියෝ"

මේකේ ඉන්නා ගායක අයියාගේ නම රකිත "දම්පාට හැන්දෑවේ".පස්සේ දවසක මෙයා මට කෝල් කරලා කිව්වා

"මල්ලි ඔයාගේ ලිරික්ස් හොදයි ඒත් ඔක්කොම එකම තීම් එකේ සමහර ඒවා රයිම් වෙන්නෙත් නෑ මම ට්‍රැක් එකක් දෙන්නම් පුළුවන්නම් මනු අයියා දුකා අයියා වගේ වෙනස් දෙයක් ලියලා දෙන්න.එහෙම එකක් ආවොත් කරන්නම් නැත්නම් පාඩුයි මල්ලි"

ඒත් ඉතිං මට රම්බරිලාගෙන් නම්බර් අහන්න පුරුද්දක්,මල් ගැන අත්දැකීමක් නෑනේ අප්පා මම මොකැයි කොරන්නේ මම නිකං හිටියා.

ප/ලි

අන්තිමේදි අපේ නංගි බලෙන්ම මම ලියපුවා අරං ගිහින් එයාගේ යාළුවෙක්ගේ අතේ එක ගායකයෙක්ට යවලා තිබුනා(මෙයාට ලෝක ප්‍රසිද්ධ ගායකයෙක් විදියට නටන්න පුළුවන්ලු) කාලයක් කොළ එළියකුත් පත්තු වුනා දැන් නම් බල්බ් එකත් නෑ හෝල්ඩරෙත් නෑ.

 උඩම තියෙන්නේ මගේ පොතය.රතු පාටින් වටකරලා තියෙන්නේ මම දාපු නිසදැසය.ඡායාරූපය ගත්තේ චයිනීස් ෆෝන් එකකින්ය.